– Han erkjenner ikkje straffskuld, men har gått med på ei veke i varetekt, seier forsvarar Ilham Hassan til NRK.
Politiadvokat Inger Beth seier dei bad om fire veker med brev- og besøksforbod.
– Men i går fekk vi vite at den sikta mannen samtykka i ei veke med brev- og besøksforbod. Difor ba vi i dag om ei veke, seier ho.
– Kvifor vil de ha mannen varetektsfengsla?
– Det er fordi vi meiner det er skjellig grunn til å mistanke vedkommande for det han er sikta for. Vi fryktar også at bevis skal bli øydelagde, seier ho.
Valdtekta skal ha skjedd måndag førre veke i området ved Korsavegen - Hornnesvegen. Politiet fekk meldinga natt til søndag, nesten ei veke etter at hendinga skal ha skjedd. Denne veka har dei gjort tekniske undersøkingar på staden.
I går gjorde politiet nye avhøyr av den fornærma jenta. Også den sikta mannen skulle avhøyrast, men han nekta å forklare seg for politiet.
- Les også:
- Les også: