Ho tok imot utmerkinga tysdag saman med mellom anna Chelsea Clinton, står det i ei pressemelding.
– Det er ei utruleg stor ære å bli utnemnd som Young Global Leader, seier Vallestad.
Har utmerkt seg
Vallestad er oppvaksen i Florø, men dei siste åra har ho budd i Bergen. Ho står bak selskapet Bipper som har utvikla programvare for å overvåke mobilbruken til born og for å hindre overfall og valdtekter. I 2011 blei ho kåra til Årets kvinnelege gründer.
Heilt sidan ho var 14 år har Vallestad jobba aktivt med å starte opp idealistiske organisasjonar nasjonalt og internasjonalt. Dei siste åra har ho utmerkt seg som teknologigründer.
- LES OGSÅ:
- LES OGSÅ:
I selskap med Facebook-gründeren
Totalt består nettverket av 650 medlemmer, fire av dei er norske. Vallestad er i selskap med mellom anna kronprinsesse Mette-Marit, Facebook-gründer Mark Zuckerberg, kronprinsesse Mary av Danmark og artisten Wyclef Jean.
Young Global Leaders jobbar som ein integrert del av World Economic Forum og deltek aktivt i å sette dagsorden der.
– YGL er ikkje ein møteplass for å drikke champagne med andre suksessfulle unge leiarar, men ein plass der visjonære folk i leiarposisjonar kan ha eit nettverk og saman starte nye prosjekt for å endre verda. Eg gler meg stort over å kunne ta fatt på mine fem år som YGL, seier Vallestad.
I juni skal alle Young Global Leaders treffast i Myanmar i samband med World Economic Forum on East Asia.
- LES OGSÅ:
- LES OGSÅ: