Vegard Ulvang - Skilegenda Vegard Ulvang er blant dei nye eigarane til Bionordic. Den einaste pelletsomn-fabrikken i Norge.NRK

Skilegenda Vegard Ulvang er blant dei nye eigarane til Bionordic. Den einaste pelletsomn-fabrikken i Norge.

Foto: NRK

Ulvang kjøper i Jostedalen

Vegard Ulvang er blant dei nye eigarane til norges einaste produsent av pelletsomnar; Bionordic i Jostedalen.

Fjord Invest, Ulvang, Luster Energiverk og Stange Energi er blant dei som no kjøper seg inn i Bionordic.

- For oss er dette ein halleluja-dag, seier dagleg leiar i Bionordic, Edvin Brun.

Det seier han mindre enn ei veke sidan det vart meldt om ein dramatisk nedgang i salet av pellets-omnar.

Les meir om det her.

All uro borte

- All uro som det måtte vore rundt framtida vår er fullstendig borte, seier sjefen på fabrikken i Jostedalen, som er dei einaste i landet som produserer slike omnar.

- Det som skjer no er ein del av ein strategi me har jobba med i to år. Me jobba med ein emisjon som eigentleg skulle vere klar i 2007, men me måtte nett over i 2008.

Utvikling over fem år

For dei tilsette ved fabrikken betyr dette i første omgang at alle arbeidsplassar er trygge. Så skal dei ta til å vekse, seier Brun.

- Dette gir oss både kapital og marknadstilgang. Me får ei forutsigbarheit dei neste fem åra rundt korleis me skal utvikle oss og jobbe. No skal me vekse, seier han.

Førde ønskjer å vere ein sykkelby, men er det slik?
Jostein Avdem Fretland frå Lærdal sit i leilegheita i London. Her har han brukt mykje tid på omsetjinga av den italienske operaen «I Puritani». No skal den setjast opp på Opera Nordfjord på nynorsk.
Asylmottaket i Årdal fekk den verste tenkelege starten med trippeldrapet i fjor. Men no får mottaket og lokalsamfunnet skryt for å ha dempa dei djupe konfliktane og skapt eit godt samhald.