Turisten skal ha stått kloss inntil breen då han fekk isblokka over seg torsdag.
Hos Haukeland universitetssjukehus får NRK fredag kveld opplyst at tilstanden til mannen som er i 40-åra, er kritisk. Han får intensiv behandling.
Ingen vitne
Ifølgje Fjordingen si nettugåve hadde turisten hadde gått forbi sperringa som markerer tryggleikssona.
Lensmann i Stryn, Inger Lill Lanes, opplyser til avisa at mannen var saman med eit følgje frå eit cruiseskip i Geiranger.
Det skal ikkje ha vore vitne til hendinga og mannen vart funnen av ein annan turist som ringde naudtelefonen.
Luftambulanse
Den skadde vart frakta til Haukeland i Bergen med luftambulanse og er operert for skader i hovud- og brystregionen.
Politiet har sett opp sperreband framfor Briksdalsbreen for å åtvare folk mot å ta seg fram til breen.
Meir permanente tiltak vil ifølgje Fjordingen bli vurderte.