Mennene vart i tur og orden stogga i Florø, Gloppen og Førde fredag kveld og natt til laurdag.
Den første vart stogga klokka 22.25 i Florø sentrum. Allereie under kontrollen vart det avdekka at mannen var rusa. Politiet tok hand om førarkortet og tok mannen med seg til blodprøvetaking.
Like over klokka 01 fekk politiet melding om ei utforkøyring på fylkesveg 60 i Øvreset-svingen i Gloppen. Då politipatruljen kom til staden var det ingen personar ved bilen. Etter kvart fekk politiet kontakt med ein mann som, som så vart framstilt for blodprøvetaking.
I 02-tida vart ein personbil stogga i Førde sentrum etter det politiet skildrar som merkeleg køyreåtferd. Også denne kontrollen gav politiet grunn til å ta føraren med seg til legevakta for blodprøve. Mannen vart fråteken førarkortet.