Folk på Nordvestlandet har fire dagar på seg for å overbevise olje- og energidepartementet om at det er ein dårleg ide å byggje ei stor kraftlinje gjennom unik vestlandsnatur.
For planane om ei stor kraftlinje for å forsyne industrien med straum har vekt sterke reaksjonar i vestlandsfylka.
- Naturen klarer å overbevise
Leiar i Sogn og Fjordane Naturvernforbund, Hans Kristian Hansen, seier det er ei av dei viktigaste naturvernsakene på mange tiår.
- Denne linja er det største arealinngrepet i Sogn og Fjordan nokonsinne. Mange personar blir berørte av dette og det må takast omsyn til.
Han trur at naturen i seg sjølv vil klare å overbevise departementet at det er feil å byggje kraftlinjal.
Les også:
75 klager
Den 300 kilometer lange planlagde kraftlina som skal gå frå Fardal i Sogn til Ørskog på Sunnmøre har sett sinna i kok hos mange i både Sogn og Fjordane og Møre og Romsdal.
Norges vassdrags- og energidirektorat har gått inn for at kraftlina skal gå i luftlinje, medan motstandarane vil at linja skal gå i kabel.
Til saman er 75 klager på linja sendt til Olje- og energidepartementet, frå både kommunar, grunneigarar og ei rekkje organisasjonar.
- Ei omfattande sak
Ekspedisjonssjef Håkon Høisveen som denne veka er på synfaring i dei to fylka, vedgår at det er ei omfattande sak
- Det er umogleg å seie når vi er ferdig med klagesaken, for det blir ei omstendeleg handsaming når vi kjem tilbake.