– Det er venta at det skal bli ganske så fine dagar i Sogn og Fjordane denne veka, seier statsmeteorolog Ida Marie Solbrekken.
- Les også:
Stort sett pent vêr
Mange er lei ullgenser og luer no i juli, og dei kan vi kaste denne tysdagen.
– Det blir stort sett pent vêr i heile fylket. Det kjem ein nordleg bris og det blir frisk bris på kysten. Det kan også kome temperaturar over 20 grader, fortel Solbrekken.
Utover ettermiddagen tysdag kan det vere lurt å ta med ein paraply under armen, for det kan kome nokre regnbyer, då i dei indre delane av fylket.
– Onsdag kjem også med varsel om sommar og sol og gode temperaturar. Det kan også då kome enkelte regnbyer, men det er ikkje mykje å snakke om, seier statsmeteorologen som sjølv er glad for nokre sommardagar.
– Ja, dette har vi venta på, seier ho.
Skikkeleg sommar i vente
Torsdag blir ganske lik dei andre dagane, og på fredag er det skikkeleg sommar i vente.
– Det er ein høgrygg som skal passere og på fredag vert det ein strålande fin dag i heile Sogn og Fjordane med sol, blå himmel og varme.
Meteorologen seier ho også har nokre stikkord for helga, men at det kan vente.
– Det treng vi ikkje snakke om no, for det er ikkje like gode prognosar der, ler ho.