Solheim kjøpt av ny svensk klubb

Solheim gjekk i 2012 frå Sogndal til Kalmar i Sverige, og har gjort sine saker bra i Allsvenskan. No stadfestar Hammarby at dei har kjøpt 27-åringen, og at dei kjem til å presentere han i dag.

– Vi har følgd Mats gjennom vinteren, og tanken var å forsøke å få han hit til sommaren når kontrakten hans med Kalmar går ut. Men når sjansen dukka opp og Mats gjerne ville komme til oss har vi kome til ein avtale med Kalmar, seier sportssjef Mats Jingblad til klubben si heimeside.

Forsvarsspelaren har signert ein treårskontrakt med Hammarby. Overgangssummen er ikkje kjend, men ifølgje fotbolltransfers.com har Solheim ein marknadsverdi på om lag 2,5 millionar kroner.

– Vi er svært nøgde med at vi kan presentere Mats i vår klubb alt frå 1. april, seier Jingblad.