I løpet av 2012 vil morellbøndene i Lærdal levere 180 tonn med morellar, noko som er tidenes produksjon, skriv Sogn Avis. Dette betyr også klingande mynt i kassa.
Morellhausten åleine er truleg verd 12 millionar kroner, seier leiaren ved Lærdal Grønt, Kåre Øyri, til avisa. Samtidig leverer bønder i bygda mellom 1500 og 1600 tonn poteter til ein samla verdi på rundt 10 millionar kroner, skriv avisa.
Ifølgje Sogn Avis er det første gong at morellane gir meir pengar i kassa enn potetene. Året starta med pressa prisar på poteter, men dette har no gått seg til.