Muslimane feira slutten på fastemånaden ramadan med ei bøn om tomteplass til moské.
– Vi treng ein samlingsplass som har rom for alle. Lokala våre i Markegata har vi vakse ut av for lenge sidan, seier Omar Abdullahi Mohammed, leiar for Muslimsk kultursentrum i Flora til Firdaposten.
Muslimane har allereie samla inn 300 000 kroner, og dei har god tru på at dei skal klare å samle inn dei to millionane dei treng for å reise bygget.
(Saka held fram under biletet)
I dag bur det rundt 300 muslimar i Flora kommune.
Varaordførar i Flora, Jan Henrik Nygård, seier til avisa at han er positiv til å få skaffe dei ei tomt.