Kongeskipet oppankra ved Herland på Atløy - KONGESKIPET I HAVBLIKK: Skipet la seg til ro på Herlandsvika tysdag kveld. - Foto: Arild Herland /

KONGESKIPET I HAVBLIKK: Skipet la seg til ro på Herlandsvika tysdag kveld.

Foto: Arild Herland

Kongeskipet i havblikk på Atløy

Tysdag kveld la ei staseleg dame seg til ro for natta på Herlandsvika på Atløy.

Arild Herland heldt på med noko arbeid då sonen gjorde han merksam på eit skip som nærma seg.

– Eg og eine gutungen dreiv og spikra på eit gjerde då han peika på nokre master som viste seg over nokre haugar, og så kom ho og la seg til. Det viste seg at det var sjølvaste Kongeskipet «Norge». Jamen droppa ho ankeret rett utpå Herlandsvika.

– Då heiv vi oss rundt, eg og to av ungane, og tok båten utpå og knipsa nokre bilete. Ho tok seg godt ut i havblikk og kveldssol.

– Såg de nokon kongelege?

– Nei, dersom dei var med så var dei sikkert under dekk og åt middag.

På veg sørover

– Det er ikkje kvar dag de har så fint besøk?

– Nei, dette var ei overrasking. Eg snakka litt med vaktsjefen om bord, han fortalde at dei var på veg sørover langs kysten. Då eg stod opp i dag var Kongeskipet vekk.

Dette er andre gongen på kort tid at Kongeskipet har lege til anker her i Sogn og Fjordane. Den 13. april låg skipet utanfor Almenning i Nordfjord.

Kongeskipet Norge på Herlandsvika på Atløy - STASELEG DAME: Kongeskipet 'Norge'. - Foto: Arild Herland /

STASELEG DAME: Kongeskipet 'Norge'.

Foto: Arild Herland
NRK setter pris på at mange bidrar med meninger, erfaringer og synspunkter i kommentarfeltet. Takk for at du begrunner dine meninger og avstår fra personangrep. Innlegg som ikke følger våre regler for deltakelse kan bli slettet.
Created by InfoDispatcher

Hadde synfaring av ulykkesbussane i Fardalulykka

Påsken er for mange starten på årets båtsesong. Vi vart med då ein Sea King frå 330 Skvardron trente på sjøredning saman med redningsskøyta Halvdan Grieg.
Det er bygd ut så mykje grønn strøm i Norge at det ikkje er lønsamt lenger.
No står mange små-kraft-prosjekt i fare, trass i at stortinget har vedteke at det skal byggast meir vasskraft fram til 2020.

Opphavsrett NRK © 2014

Ansvarlig redaktør: Thor Gjermund Eriksen

Nettsjef: Frank Gander (konst.)