Ryddearbeidet er no starta etter at ein geolog har vurdert både sleppområdet og rasløpet over fylkesveg 92 mellom Vikøyri og Arnafjorden i Vik.
No er ryddearbeidet starta.
SISTE: Vegmeldingssentralen opplyser klokka 1330 at dei ventar å opne vegen att klokka 14.
– Vegen har fått skade, men ryddearbeidet er starta og vi kjem til å lage ein innsnevra passasje på innsida, seier prosjektleiar Per Ove Fossheim hos Statens vegvesen.
Vekslande vêr
OPNAR: Per Ove Fossheim ventar at ryddearbeidet på fylkesveg 92 vil ta tre-fire timar.
Foto: Randi Indrebø / NRKEi større steinblokk losna kring 100 meter over vegbana og har delt seg på veg nedover mot vegen.
Medan ei steinblokk på kring to kubikk låg att i vegen, har fleire blokker gjort skade på vegen før dei gjekk i fjorden.
– Det er ei strekke vi har hatt nedfall på før, og vi er inne i ein periode no med mildvêr og kjøligare vêr om ein annan. Det påverkar stabiliteten på området som har potensial til å komme med nedfall, seier Fossheim.
STORE BLOKKER: Både blokka som ligg att og såret i vegbana vitnar om store blokker som kom ned frå fjellsida i morgontimane fredag. Smal veg og møtande trafikk berga truleg livet til Gunnar Fjellheim og Tommy Halset.
Foto: Gunnar Fjellheim– Ser greitt nok ut
Ein geolog har i føremiddag vurdert rasområdet frå lufta. No er ryddearbeidet starta.
– Det ser greitt ut der blokka stod, og skredløpet ser relativt reint ut. Men det ligg att ei helle som i verste fall kan komme ned i kraftig regn. Den skal vi plukke ned, men det er ikkje akutt fare, seier Fossheim.
– Strekkja er rasutsett, kan det komme ned meir?
– Eg kan ikkje garantere at det ikkje kjem noko, men området vi har sett på i dag ser greitt nok ut til å starte ryddearbeid og få opna vegen.