Vil frakte rundballar frå Trøndelag for å hindre nedslakting av buskap

Enkelte stader er avlinga berre halvparten av vanleg nivå. Vi blir tvinga til å hente fôr utanfrå, seier bonde Oddvar Nyland frå Gloppen.

– Vi satsar på om lag 1500 rundballar, så får vi sjå kva pris vi får dette ned i og kva båtfrakt og transport frå kai vil koste, seier Nyland til NRK.

Ein langt kaldare og fuktigare sommar enn vanleg får alvorlege
konsekvensar for bøndene på Vestlandet.

• LES OGSÅ: Innhøstingsstopp i 14 dager

Dramatisk situasjon

I Sogn og Fjordane er situasjonen dramatisk fleire stader, seier Dag Arne Eide i Norsk landbruksrådgiving.

– Eg har jobba som rådgjevar i denne stillinga i 27 år og har vel aldri sett ein sommar som har vore så dårleg for bøndene. Det er det i alle fall ingen tvil om.

– Kor stor er svikten i avlinga?

– Nokre plassar i fylket er det forholdsvis normalt, andre stader er det kanskje ikkje meir enn halvparten av den formengda ein vanlegvis har fått i hus.

(Artikkelen held fram under biletet)

30 prosent svikt

Mjølkebonde Hugo Aasen i Sundsdalen i Førde, som sjølv opplever ein avlingssvikt på om lag 30 prosent, seier det går på humøret laust for enkelte yrkesbrør.

– Det er klart at depresjonen den kan jo kome. Vi har jo bore alle kostnader med det foret som vi skulle hauste. Mange har jo spedd på med ekstra kunstgjødsel for å kompensere for avlingssvikten

• LES OGSÅ: Dette går ut over bøndenes livskvalitet

Kan hamne på slaktebenken

Dersom planane om rundballar frå Trøndelag går i vaksen, står enkelte i fare for måtte å slakte ned delar av buskapen, trur Oddvar Nyland.

• LES OGSÅ: Store nedbørsmengder øydelegg for bøndene

– Ein lyt i alle fall finne på noko, eller så må nok enkelte slakte ned. Alternativet er jo å auke på med halm og mjøl, men det er kostbart det også.