Dei hadde delteke på handballskule i Trivselshallen tidlegare denne veka, og fekk dermed billett til fredagens kamp.
Jentene tykte at det var veldig spennande å vere på landskamp i Gloppen. Etter kampen stilte dei seg opp og fekk autografen til Nora Mørk på t-skjortene sine, samt tok bilete i lag med ho.
Heile 1614 tilskodarar fekk med seg at Norge slo Russland i den første landskampen nokon sinne i Trivselshagen på Sandane.
– Dette må vere noko av det beste som har skjedd i Gloppen nokon gong, fortel ein svært oppglødd primus motor, Knut Roger Nesdal.
STOR STEMNING: Norge sine favorittdamer har brukt den siste veka til trening på Sandane. Fredag kveld møtte dei Russland til landskamp.
Foto: Eva Marie Felde / NRKHan fortel vidare at stemninga i Trivselshallen, som er ein del av det store kultur- og idrettsanlegget, var heilt elektrisk.
– Når Norge i tillegg vinn, med over 1600 tilskodarar på plass, så må jo dette seiast å ha vore ein stor suksess, seier Nesdal.
Laurdag kveld er det ny landskamp i hallen, og det har vore stor rift om billettane. Svært mange vil sjå dei norske handballyndlingane i aksjon.
– Det er faktisk heilt utseld i morgon også, det er berre heilt utruleg, seier Nesdal.
MYKJE FOLK: Det var heilt utseld då Norge møtte Russland i Trivselshallen på Sandane.