Fantastisk festivaldag i Førde

Med godt og varmt sommarvêr heilt frå morgonen av strøymde folk til Førde sentrum, så mange til festivalfrukosten at arrangørane nesten vart tekne på senga.

– Eg trur det var om lag dobbelt så mange som var på frukost i år som i fjor. Dermed vart det litt kø for å få mat, men eg har inntrykk av at folk hadde stor forståing for at dei måtte vente litt, seier Faleide.

– Eventyrleg heldige

Ho prisar det gode vêret som gjer alt så mykje lettare og gjer opplevinga større for både artistar og publikum.

– Vi har vore eventyrleg heldige.

Sjå video av opptoget:

(Artikkelen held fram under biletet)

Frikar-feber

Opptoget samla også mykje folk, og Torill Faleide er svært nøgd med oppslutnaden om konsertane så langt.

– I går kveld var det rundt 2000 som såg og høyrde på dansen og musikken til Frikar, vi måtte stanse billettsalet, sjølv friviljuge i Førdefestivalen kjøpte billettar, så vi kan snakka om ein Frikar-feber.

Også på opningskonserten torsdag var det mykje folk, Torill Faleide trur det var mellom 1500 og 1700.

Sjå video av Silje Guddal som går inn på gallakonserten i sommaråpent.