Ambjørg Sælthun er død

Tidlegare stortingsrepresentant Ambjørg Sælthun frå Lærdal er død, 89 år gamal.

Ambjørg Sælthun

Ambjørg Sælthun i 2008.

Foto: Nils Roar Sælthun

Ho var frå Ål i Hallingdal og vart gardkone på Seltun i Lærdalsdalen. I Lærdal engasjerte ho seg m.a. i bondekvinnelaget, og ho starta den politiske karrieren sin som medlem i skulestyret i 1959.

Første kvinna

Frå 1969 til 1973 var Ambjørg Sælthun vararepresentant på Stortinget for Senterpartiet. Ho møtte fast det siste året fordi John Austrheim var samferdsleminister.

Frå 1973 til 1985 var ho fast stortingsrepresentant, frå 1981 til 1982 var ho varapresident i Stortinget. Ho var den første kvinnelege stortingsrepresentanten frå Sogn og Fjordane.

Døydde 2. januar

Dei siste par åra vart helsa til Ambjørg Sælthun gradvis dårlegare. Laurdag før jul fekk ho eit hjerneslag, og måndag 2. januar døydde ho på Lærdal sjukehus.

Ambjørg Sælthun var mor til Ragnhild Sælthun Fjørtoft, som sidan 1968 har vore ein populær programvert i NRK, og sonen Lasse Sælthun har vore rådmann i Lærdal.

14 aksjonistar vart arresterte etter å ha lenka seg fast for å hindre gruveselskapet Nordic Mining i å drive prøveboring i Engebøfjellet i Naustdal.
I nesten fire timar var det mørkt på aluminiumsverket i Årdal fredag.
I Sogn skal me sjå at flyktningar får ein unik sjanse til å koma raskt ut i fast jobb. Yrker som treng arbeidskraft samarbeider med mellom andre NAV for å få nye landsmenn ut i arbeidslivet.