– Me har vore i nabolaget og snakka med folk. Men så langt har me ikkje kome i kontakt med nokon som har sett kva som skjedde før eksplosjonen, fortel etterforskningsleiar Bjørn Hermansen ved Sandnes politistasjon.
Det var i 23-tida i går kveld folka i nabolaget rundt Sandvedøygarden i Sandnes vakna av ein kraftig eksplosjon. Sju postkassar var sprengt i fillebitar, fleire av bitane hadde treft husveggar og gjort stor skade. At ingen personar kom til skade var rein flaks.
- Les òg:
Marita Elevseth bur over vegen for postkassestativet. Kledninga på huset deira har losna etter splintane frå eksplosjonen trefte huset.
Foto: Odd Rune Kyllingstad / NRKEtterforskar saka
Politiet har etterforskarar som jobbar med å finna ut kven det er som står bak ugjerninga, men førebels har dei altså lite å gå etter.
– Dersom folk har opplysingar i saka er me interesserte i å koma i kontakt med dei, seier Hermansen.
Politiet veit heller ikkje kva type sprengstoff som er brukt. Dei vil undersøka om det kan vera stole dynamitt frå byggeplassar eller bedrifter i området.
