83-åringen har sidan april vore innlagt ved eit sjukehus i feriebyen Sharm el-Sheikh, og etter mykje forvirring er det no klart at Mubarak har gått inn i koma.
– Eg var informert om den plutselege forverringa i Mubarak si helse, og eg er no på veg til Sharm el-Sheikh. Alt eg veit så langt er at presidenten ligg i full koma, sa Hosni Mubarak sin advokat Farid el-Deeb til nyheitsbyrået AP.
Etter først å ha avfeid påstandane som usanne, stadfestar no leiinga ved sjukehuset i Sharm el-Sheikh at ekspresidenten har gått inn i koma.
Mubarak var Egypt sin president i om lag 30 år, frå 1981 til han måtte gå av i februar i år under den egyptiske revolusjonen.
Det har lenge versert rykter om ekspresidenten sin dårlege helsetilstand. Men dette har heile tida blitt avfeid av egyptiske styresmakter.
NRK.no oppdaterer saka.
