– Avtala rundt Annan er krystallklar slik vi ser det. No avventar vi å få pengar frå Rosenborg, seier administrerande direktør i Start, Sveinung Hofstad til fvn.no.
Vidaresalsavtale
I januar gjekk Annan til den tyske klubben Schalke for 22 millioner kroner. Start var sikre på at dei hadde sikra seg delar av overgangssummen fordi salskontrakta hadde ein vidaresalsklausul. Annan gjekk frå Start til Rosenborg i 2008.
Men ifølgje dagleg leiar i Aalesund, Henrik Hoff, gjeld ei slik avtale kun i to år, dersom ikkje anna står i kontrakta.
Då Aalesund selde Tor Hogne Årøy til Japan i januar ville Rosenborg ha sin del. Årøy gjekk frå Rosenborg til Aalesund i 2001.
– Eg har kjent til dette regelverket i mange år. Vi har hatt fleire tilfelle i Aalesund der dete har blitt teke hensyn til. At det er formulert om vidaresalsavtala gjeld i to år eller meir, seier Hoff.
Nektar å betale
Det betyr at Aalesund ikkje vil gi Rosenborg pengar for Årøy-overgangen, og viser til regelverket. Det seier altså at ei vidaresalsavtale kun gjeld i to år, dersom ikkje anna er avtala.
I tillegg nektar Rosenborg å betale Start - før dei har har motteke pengar frå Aalesund.
– Vi har ikkje fått pengar frå Aalesund og vil ikkje sitje med skjegget i postkassa, seier Erik Hoftun i Rosenborg.
– Det ligg hos Rosenborg, seier Hovstad i Start.
Dersom klubbane ikkje blir einige, kan saka ende i idrettens voldsgiftsnemnd, eller gå inn i det sivilrettslege systemet, skriv avisa.