Målet er å blokkere all utkøyrsel av mel frå dei største mel-leverandørane i landet. Samstundes skal det hamstrast brød frå butikkane. Målet er å tømme butikkane for brød.
– Kjøp rikeleg
– Vi har oppfordra våre medlemmer og vener til å kjøpe litt rikeleg med brød fordi det snart går tomt. Bakgrunnen er at bakarane ikkje får mel til på bake, seier leiar i Vest-Agder Bondelag, Birte Usland til NRK.no.
Måndag troppa bronderepresentantar opp på fylkeshusa i dei to Agder-fylka for å protestere mot regjeringa sitt lønsforslag. Tysdag held protestane fram.
– Går automatisk tomt
– Butikkane får påfyll av brød gjennom heile dagen, så dersom det plutseleg ikkje blir laga nye brød går det automatisk tomt, seier Usland.
Regjeringa vil ha matproduksjonen opp. Dette krev bøndene meir pengar for. Tilbodet frå staten er på 13 000 kroner meir per årsverk. Bøndene, med ei snittlønn på rundt 300.000 kroner, krev 50 000 kroner ekstra.