Etter ein tam start på kampen var det heimelaget som kom til kampens første sjanse. Veteranen Ole Martin Årst kom aleine gjennom, men vart i siste liten stoppa av handa til Stefan Strandberg. Dommar Espen Berntsen vinka vekk protestane peika på hjørneflagget.
- SJÅ: Alt om eliteserien
På den påfølgjande hjørnesparket gjekk ballen over heile feltet. På bakerste stod Vålerenga-spelaren Freddy dos Santos som truleg prøvde å nikke ballen inn til eigen keeper. Ballen gjekk forbi Hirschfeld, men Stefan Strandberg fekk beina ballen vekk på streken.
Muri best i lufta
Det var Vålerenga som først skulle få «hol på byllen». På eit hjørnespark knuste André Muri danske Brian Priske i lufta. Start-keeper Kenneth Høie var sjanselaus og det stod 1-0 til Vålerenga på Sør Arena.
Etter 37 minutt var Start særs nær ei utlikning. Espen Hoff kom gjennom heilt aleine på høgrekanten. Vålerenga-keeper Lars Hirschfeld storma ut. Espen Hoff fekk ballen forbi VIF-keeperen, men ein Vålerenga-forsvarar kasta seg fram og fekk stoppa ballen før den trilla over mållinja.
Laga gjekk til pause med 0-1 til Vålerenga, til pipekonsert hos heimepublikummet.
Start-press
I andre omgang var det Vålerenga som kom til den første store sjansen. Luton Shelton snappa ballen frå Start-forsvaret og spelte ballen inn til Håvard Nielsen framfor mål. Ungguten si avslutning enda i nettveggen.
Fem minutt seinare klinka Ole Martin Årst til på halvspretten frå 10 meter. Men Vålerenga-keeper Lars Hirschfeld var raskt nede og fekk avverga situasjonen.
Kort tid etter var Ernest Asante frampå for heimelaget. Men også i denne situasjonen klarte Hirschfeld å slå ballen vekk.
I det 67. minutt klinka Fredrik Strømstad til frå 15 meter. Skotet gjekk stolpe ut. Start jakta for alvor utlikninga heime på Sør Arena. Men i staden var det bortelaget som fekk utteljing.
Ny forsvarsglipp
Kvarteret før full tid fekk Vålerenga hjørnespark. Igjen fekk André Muri stå heilt aleine inne i feltet. Midstopparen heada inn 2-0 til bortelaget i lengste hjørne.
Ti minutt før full tid fekk Espen Børufsen ein kjempesjanse til å redusere. Årst nikka ballen til Børufsen som klinka til på volley. Men ein særs god Lars Hirschfeld var med på notane og fekk ballen vekk frå mål. Vålerenga vann dermed 2-0 på Sør Arena.
Oslo-klubben klatra dermed opp på 6. plass på tabellen. Start kan hamne under nedrykksstreken dersom Vikting slår Rosenborg seinare søndag kveld.