I undersøkjinga kjem Agder-politiet heilt på botnen av alle politidistrikta når det gjeld tillit. 78 prosent svarar at dei har ganske stor, eller særs stor tillit til politiet i Agder. Faktisk hadde folk større tillit til politiet i fjor med 80 prosent.
- LES OGSÅ: Sjå heile rapporten her (ekstern lenke)
Østfinnmark politdistrikt deler sisteplassen med Agder. På topp ligg Nord Trøndelag politidistrikt med 92 prosent.
Politimeisteren skryt over gode tal
Også når det gjeld evna til å skape tryggleik ligg Agder-politiet nest sist med 84 prosent. Berre Østfinnmark politidistrikt ligg under på statistikken.
Når det gjeld informasjon scorar Agder-politiet elendig i forhold til dei andre politidistrikta. Kun 57 prosent meiner at Agder-politiet er gode til å informere. Berre Østfold og Vestoppland politidsitrikt ligg bak på statistikken.
- LES OGSÅ: Nedslående rapport for Agder-politiet
I eit pressemelding Agder politidistrikt har sendt ut skryt dei av at folk opplever at Agder-politiet er meir tilstades enn tidlegare. Det er riktig at pila peikar rett veg frå 41 prosent i 2009 til 49 prosent i år, men også der ligg Agder-politiet på botnen dersom ein samanliknar med andre politidistrikt.
Dårlege på ro og orden
Når det gjeld folk sitt inntrykk når det gjeld politiet sin innsats forl å skape ro og orden kjem Agder-politiet langt nede på lista. Berre Sunnmøre og Telemark politidistrikt er dårlegare. 73 prosent meiner Agder-politiet gjer ein god jobb når det gjeld å halde ro og orden.
Når det gjeld etterforsking av kriminalitet som tjuveri, innbrot og hærverk ligg Agder-politiet nest sist på lista. Berre 40 prosent meiner politiet i Agder-fylka er gode på dette.
- LES OGSÅ: Bryter ned tillit til politiet
Oslo politidistrikt ligg sist med 33 prosent, medan Midtre Hålogaland politidistrikt toppar med 62 prosent.
Liten tillit til ransetterforsking
Sørlandet toppar ransstatistikken i landet. Når det gjeld etterforsking i slike saker er berre 57 prosent av egdene nøgde med etterforskinga. Agder deler sisteplassen med Gudbrandsdal politidistrikt.
Også når det gjeld tilgjengelegheit ved akutt behov for hjelp scorar Agder-politiet særs dårleg. Berre halvparten meiner politiet i Agder er gode på dette området. Berre to politidistrikt ligg under på den nasjonale statistikken.
Trass i nedslåande tal er politimeisteren særs positiv i pressemeldinga frå Agder-politiet.
Har utfordringar
– Vi har klart å gjere ein del prioriteringar som er i tråd med folk sine verdinormer. Skal vi vere gode på det publikum meiner er viktig, så må vi ut ifrå ressurssituasjonen redusere ambisjonane på andre område, seier ho.
- LES OGSÅ: Vi stoler litt mer på politiet
Men samstundes vedgår Lindeberg at politiet har utfordringar på Agder.
– Vi har endå ein lang veg å gå i forhold til å løfte oss til eit nivå vi er nøgde med i nasjonal målestokk, men vi er på rett veg. Vi vil bruke innbyggjarundersøkjinga som eit viktig innspel i våre framtidige prioriteringar, seier ho.