Svein Olaf Olsen
Foto: Odd Rømteland / NRK- Det blir mykje glas, og ei betydeleg oppleving å sitje tjue meter under vassflata, og segle over til Hanstholm og sjå på det som måtte vere av liv i havet.
Det seier Svein Olaf Olsen i Thy Ferries til NRK.
Spesiell
Den nye ferja vil bli heilt spesiell samanlikna med ferjene vi er vande med i dag.
- Mesteparten av skipet ligg under vatn. Det får ein heilt spesiell fasong, noko som betyr at du får mykje meir stabilitet i skipet, slik at det blir mindre utsett for bølgjer, seier han.
Med ein kostnad på kring 400 millionar kroner har Thy Ferries snart finansieringa i boks. Fleire investorar er interesserte, og også Innovasjon Norge vil bidra.
Konkurranse
- Vi treng konkurrentar til Color Line, og det at det får ein ekstra dimensjon gjennom at det blir ein attraksjon i seg sjølv er verkeleg noko landsdelen treng, seier assisterande direktør Anne Britt Bjørdal i Innovasjon Norge.
Aker Yards i Finland skal byggje ferja, som blant anna skal ha plass til 1200 passasjerar, eit minibadeland og eiga spa-avdeling. Olsen går langt i å love billege billettar.
- Thy Ferries er eit billegselskap, og vil halde billettprisane så låge som mogleg, seier Olsen
Kva trur du om den nye ferja? Sei di meining.
