Start tok kommandoen frå start på bortebane mot Strømsgodset. Allereie etter åtte minutt vart Ole Martin Årst lagt ned av Crister George. Debutant i eliteserien Christian Bolanos fekk stjernetreff og klinka ballen i mål via tverrleggjaren.
LES OGSÅ:
Kjempesjanse
TØFT: Sørlendingen og Godset-spelar Glenn Andersen i duell med Ole Martin Årst.
Foto: Solum, Stian Lysberg / SCANPIXStart var det førande laget også etter scoringa, men klarte aldri å komme til dei heilt store sjansane. Defensivt var Start gode, og slepte heimelaget sjeldan innanfor 16-meteren.
GALLERI:
Få minutt før kvilen fekk heimelaget sin største sjanse til å sikre utlikning. Men frå sju meter klarte Fredrik Nordkvelle utruleg nok å heade ballen til side for mål. Det var og det næraste Strømsgodset kom før dommar Tom Henning Øvrebø bles av til pause.
Ville ha straffe
DUELL: Christer Kleiven tapar duellen mot Kim Andre Madsen.
Foto: Solum, Stian Lysberg / SCANPIXAndre omgang starta med ein omdiskutert situasjon der heimpublikummet ropte på straffe. Ungguten Marcus Pedersen var gjennom, men vart takla av ein Start-spelar akkurat i det han skulle til å skyte, men Øvrebø vinka spelet vidare.
LES OGSÅ:
Strømsgodset heldt fram presset, og fekk utteljing etter 59 minutt då sørlendingen Glenn Andersen utlikna for heimelaget. Men det skulle berre gå to minutt før Start slo tilbake. Og på nytt var det Christian Bolanos som scora for gultrøyene.
Utlikna
Men ti minutt seinare var det stortalentet Marcus Pedersen sin tur. Spissen sørga for 2-2 og stor spenning dei siste 20 minutta av kampen. Tre minutt før full tid var same Pedersen på plass igjen og sikra 3-2 til Strømsgodset.
LES OGSÅ:
Start gav aldri opp og kjempa til siste slutt. Innbyttar Bernt Hulsker heada inn 3-3 og uavgjort tre minutt på overtid.
Kampfakta
Strømsgodset - Start 3-3 (0-1)
Marienlyst stadion, 5006 tilskodarar
0-1 Christian Bolanos (8)
1-1 Glenn Andersen (59)
1-2 Christian Bolanos (61)
2-2 Marcus Pedersen (71)
3-2 Marcus Pedersen (87)
3-3 Bernt Hulsker (90)
Gult kort: Ole Martin Årst, Christian Bolanos
Dommar: Tom Henning Øvrebø
Strømsgodset (4-3-3): Adam Larsen - Alexander Aas, Glenn Andersen, Kim Andre Madsen (Stian Ohr inn 70.), Joel Riddez - Fredrik Winsnes, Fredrik Nordkvelle (Alfred Sankoh inn 46.), Christer George - Steffen Nystrøm (Samir Fazlagic inn 89.), Øyvind Storflor, Marcus Pedersen
Start (4-4-1-1): Kenneth Høie - Hunter Freeman, Clarence Goodson, Knut Henry Haraldsen, Branislav Milicevic - Christian Bolanos, Christer Kleiven, Solomon Owello, Espen Børufsen (Morten Hæstad inn 61.)- Geir Ludvig Fevang - Ole Martin Årst (Bernt Hulsker inn 81.)
