– Me har gjort avhøyr av vitne og av sikta i saka, seier politiadvokat Lene Tesdal.
Det var laurdag kveld politiet pågreip og sikta ein mann i 20-åra for valdtekt av ei kvinne i same alder.
Politiet vil framleis ikkje gå ut med meir informasjon om valdtekta, men slår fast at det ikkje er snakk om ei overfallsvaldtekt.
Avhøyret som blei gjort av sikta blei avbrote sundag kveld, fordi forsvararen måtte gå.
– Me tar dette avhøyret opp att måndag morgon, seier Tesdal.
Inntil vidare sit mannen i arrest hos politiet i Stavanger.
