Ein av fem arbeidslause i Haugesund er frå Polen

– Haugesund har den desidert høgaste arbeidsløysa i Rogaland, og mange av dei er frå Polen, sier NAV-leiar i Haugesund, Lillian Langelandsvik.

Medan fleire kommunar i sørfylket hadde svært låg arbeidsløyse ved utgongen av januar, hadde kommunar i nordfylket høgare arbeidsløyse enn landsgjennomsnittet.

• LES: - Bjerkreim er sentralt!

Størst arbeidsløyse er det i Haugesund. Ved utgongan av januar var 4,6 prosent av arbeidsstyrken i kommunen utan arbeid.

Ein av fem frå Polen

Tal frå NAV Haugesund viser at 20 prosent av dei arbeidslause i kommunen er frå Polen.

Langelandsvik trur årsaka er etterdønningar av finanskrisa.

• LES: Fire av ti polakker uten jobb i Oslo

– Før finanskrisa hadde me ein periode der det var veldig stor etterspørsel innanfor bygg, anlegg og industri, der det blei rekruttert mykje arbeidskraft frå Polen, fortel ho.

– Når finanskrisa kom, og det snudde seg på arbeidsmarknaden, vart ein god del av desse arbeidslause.

Språkproblem hindrar ny jobb

Mange av dei arbeidslause frå Polen snakker verken norsk eller engelsk, noko som kan gjere det vanskeleg for polakkane å finna seg nytt arbeid.

– Dette er ei utfordring, seier Langelandsvik.

– Når dei verken snakkar norsk eller engelsk er det vanskeleg for oss å få dei ut i andre jobbar, legg ho til.

Bekymra over høg arbeidsløyse

NAV har tidlegare sagt til NRK at dei er bekymra over den store arbeidsløysa i Haugesund.

Assisterande direktør i NAV, Bjørn Sæstad, sa ved utgongen av januar at han trur næringssamansetnigen mellom nordfylket og sørfylket er årsaka til at Haugesund har så stor arbeidsløyse.

• LES: 2009: Rekordmange utlendinger i arbeid

Han var likevel optimist og håpa at 2011 vil bli eit godt år.