Politiet og folk me treffer i gatene i Porsgrunn er klare i si oppfatning.
Stasjonssjef for politiet i Grenland, Tor Egil Syversen, seier det verkar som det er færre tiggarar no. Og dei som er her sit på faste plassar og sjenerer ingen.
Les også:
– Ikkje ein einaste tiggar har registrert seg etter at Porsgrunn endra politivedtektene, og innførte registreringsplikt, seier Syversen.
Kva gjer de med det?
– Så lenge folk ikkje blir sjenerte av tiggarane, gjer me ikkje noko med det. I sommar er det ingen som har klaga på at pengeinnsamlarar, eller tiggarar som dei kallast på folkemunne. Dei har ikkje oppført seg klanderverdig, og sit der stille og roleg med koppane sine.
Tiggarcampen lagt ned
Grenlandskommunane har hatt eit prøveprosjekt med ein tiggarcamp ute på Lanner utanfor Porsgrunn eit snautt år. Den campen blir no lagt ned
– Eg tvilar på om det vil få så store ringverknader, seier Syversen i Politiet. Dette er farande folk, dei fleste søv i bilane sine.
Mange har vore redde for at Grenlandsområdet skulle få ein straum av romfolk som kjem for å tigge eller selje magasin. Det har ikkje slått til.
– Eg synest det er færre tiggarar enn på lenge, seier Inger Marit Osland som er i byen saman med dottera Turid Fjelltveit.
Les også:
– Me har ingen rett til å døme dei
Hans Erik Kåsa gjev ikkje pengar til tiggarar. Han gjev heller til hjarte- og kreftsaka.
– Det er vanskeleg å vite kva ein skal meine, legg han til.
– Men dei som er her, plagar då ingen. Dei sit stille og roleg, er ikkje pågåande.
Større aksept
Politiet har førebels ingen statistikk når det gjeld talet på tiggarar, men Syversen meiner det heller er ein avtakande tendens.
– Det at folk ikkje klagar lenger er vel også eit uttrykk for at dei har blitt eit fast innslag i bybilete, me blir vande til å sjå dei. Folk reagerer ikkje lenger slik dei gjorde då dette var nytt, konkluderer Syversen.
Han og resten av politistasjonen har bruka lite tid på dette i sommar. Det er ein god ting.