– Vi har fått melding om at ein katt og fleire hundar skal ha mista livet, opplyser operasjonsleiar ved Sogn og Fjordane politidistrikt, Inge Værøy.
110-sentralen fekk melding om branntilløpet klokka 18.23.
– Ein ungdom kom heim og oppdaga at huset var fullt av røyk. Han gjekk inn i huset for å sjå kva det var som var årsaka. Han skal ha fått i seg ein del røyk og er difor send til Førde sentralsjukehus for legesjekk, seier Værøy.
Det var i alt to personar som budde i huset.
Har svært store røykskadar
Huset ligg ikkje så langt frå Kvammen i retning Førde. Mannskap frå Askvoll brannvesen, samt depotet i Kvammen kom til staden like etter klokka 19.30.
– Huset skal ha svært store røykskadar, legg Værøy til.
Det er førebels usikkert om det har vore eit branntilløp eller om det er snakk om berre røykutvikling.
– Men det er ting som tyder på at røyken har komme frå ei oppvaskmaskin, seier Værøy.
Saka vil bli etterforska.