KrF-politikaren trur AUF-leiar Thomas Gjertsen har rett når han kritiserer Førde-politikarane for å ikkje ha ein bustadpolitikk.
Bjørn-Harald Haugsvær ser at nyetablerarar ser til nabokommunane, og seier til Firda at Førde må kunne tilby attraktive tomter.
Difor ynskjer han å revitalisere Førde Tomteselskap og få fleire aktørar på bana i bustadbransjen.
– Eg har tru på sunn konkurranse for å få ned bustadprisane, seier han til Firda.
Byggje ut Førdslia
KRF: Bjørn-Harald Haugsvær.
Foto: Brit Jorunn Svanes / NRKHaugsvær ser føre seg veg, bru og tunnel frå Indre Øyrane til platået bak Falkenstein, Presteholten og Grovene.
KrF-politikaren trur at 500 tomter i Førdslia vil kunne løyse noko av bustadkrisa i byen.
– Området ligg nært sentrum, har utsikt og sol, og kan sikre bustader til ulike grupper og dei som vil kjøpe seg ei tomt for å byggje sjølv. Tanken er å få inn ulike entreprenørar og at bustadbyggjelaget kjem på bana for å byggje rimelege husvære for ungdom, seier han til avisa.
– Må byggje tett
Onsdag sa miljøvernminister Bård Vegar Solhjell at han ynskjer som Førde, Florø og Sogndal.
I Sogndal slit studentane med å finne plass å bu i studietida. I dag skriv også Sogn Avis at auken i bustadprisane i Sogndal er heilt i landstoppen. Prisane har auka med 38 prosent frå 2008 til 2011. Snittprisen for ein einebustad på 150 kvadratmeter er i dag vel tre millionar.
Snittet for fylket er på 2,1 millionar, ein auke på 22,6 prosent i same periode.
– Vi vil trenge merksemd på å byggje tett i kjernen av byane og tettstadane, sa Solhjell til NRK.no.
Blir ikkje rimelegare
I Førde seier Haugsvær til Firda at både Opplysningsvesenets Fond (OPF) og dei andre grunneigarane i Førdslia er interesserte i grunneigaren.
OPF har kapital og vil stå for tilrettelegging og sal, men ynskjer også pengane att.
– Dette gjer prosjektet realistisk, seier han til avisa og vedgår at han ikkje trur at utbygginga her vil møte Gjertsen sitt krav om rimelegare bustader for ungdomar på kortsikt.