Ein ny generasjon med lovande spelarar må ta ansvar i Jotun

Trenar Olafur Sveinsson har klare ambisjonar om at laget skal vere blant dei fire beste laga i serien.

– Det er klart at dei eldste spelarane må gå føre, vi veit at dei har rutine og erfaring til å lage mål. Men endå viktigare er det at dei unge presterer, seier trenaren.

– Over evne

– Dei unge må vise seg fram dersom vi skal vere på topp. Dei må kanskje til og med spele over evne.

I fjor var eit spesielt år med mange utanlandske spelarar, og sesongen vart tøff. Men trenaren har tru på at laget er godt samansett.

– I år er det heilt garantert mange unge som får speletid. Men Jotun har eit godt grunnlag og sterke profilar. Dei går føre og lærer opp dei unge. Så vi får ei god blanding av erfaring og rutine, seier Sveinsson.

(Artikkelen held fram under biletet)

Tøffe kampar

I helga gav Førde laget frå Jotun ein tett kamp der Jotun til slutt vann med eitt mål.

• LES OGSÅ: Jotun vann 23-22 over Førde

Sveinsson trur at fleire lag kan gje dei konkurranse, som Førde og Fyllingen.

Men trenaren har til slutt ei viktig melding:

– Det vil eg presisere: Eg fryktar ingen!