Mannen var medvitslaus då han vart frakta frå staden. Politiet kan førebels ikkje seie noko om kor skadd han er.
Det var i eitt-tida i natt at politiet fekk melding om det som hadde skjedd. Dei kom raskt til staden og fekk snakka med vitne. Ein person skal ha innrømma å ha slege ned mannen. Saka vil bli følgt opp av politiet i Sogndal.
I Vågsøy var det så mykje bråk frå ein fest at det heldt naboane vakne. Politiet greip inn og fekk skrudd ned musikken, i tillegg forlet gjestene festen.
Også i Sogndal måtte politiet gripe inn på ein fest der det var mykje bråk. Naboane blei forstyrra av støyen frå festen.
I Førde blei ein mann teken hand om at politiet ved ein utestad. Mannen var til sjenanse for dei andre gjestene og vaktene prøvde å roe han ned. Han blei køyrd vekk og pålagd å reise heim. Ein annan mann blei for å ha urinert på offentleg stad ved Sunnfjord hotell.