Klokka 02.40 natt til fredag fekk politiet melding om bråk på ei privatadresse på Leikanger. Mannen i 30-åra som budde i huset bråka og heldt leven både inne og utanfor huset og var til sjenanse for fleire i området rundt.
Politiet fekk kontakt med mannen og bad han roe seg, men det skjedde ikkje. Politiet såg då ikkje anna råd enn å reise ut og hente mannen og ta han med til arresten i Leikanger.
Her må han sitje til han blir edru opplyser politiet. Mannen kan også vente seg eit vidare oppgjer etter episoden i natt.