Fagrådet for Lærdalsøyri var før helga på synfaring saman med kommunestyrepolitikarane i Lærdal. Dei fann tre bygnignar som det må gjerast noko med snarast, skriv Sogn Avis.
Aktuelt å stenge gata
Det er to bygningar i Gamlegata og eit stort naust på Løytnantsbrygga. Mellom anna er det fare for at takstein kan falle ned i gata.
– Her går det mange turistar, så det kan vere aktuelt å tilrå at gata blir stengd til dette er i orden, seier Jan Arve Lund i fagrådet.
(Artikkelen held fram under biletet).
Det meste er i bra stand
Men stort sett er folk flinke til å ta vare på husa på gamleøyri, seier leiar Grete Marøy Sellevoll i fagrådet.
– Dei husa som er sommarhus og der det bur folk til dagleg er det bra. Problemet er meir næringsretta bygningar.
I alt er det 161 verna bygningar på Lærdalsøyri. Det er gjort ein del for å sikre dei mot brann, seier Kåre Hovland, som er kulturvernkonsulent i Lærdal til Sogn Avis.
– Det er sprinkelanlegg på plass i fleire av dei sentrale bygningane, og det er montert 200 detektorar som er knytte til ein sentral i Lærdal.
- Les meir om i Fylkesleksikonet.