Det er særleg dei administrative arbeidsplassane ho fryktar skal forsvinne om busselskapet ikkje klarar å hevde seg i konkurransen.
- LES OGSÅ:
- LES OGSÅ:
(Artikkelen held fram under biletet).
– Må vinne anbod
Kirketeig meiner det no er viktig at eigarane set selskapet i stand til å vinne anbod her i Sogn og Fjordane.
– Det eg registrerer er at selskapet til liks med andre busselskap skal inn i eit anbodsregime frå 2014. Anboda tek til å gå ut alt i år, og dei skal reknast på i 2013.
er eit heileigd offentleg selskap, eigd av kommunar og Sogn og Fjordane fylkeskommune. Eide Kirketeig fryktar at det tradisjonsrike Firda Billag ikkje er stort nok når alle bussrutene blir lagde ut på anbod om knappe to år.
(Artikkelen held fram under biletet).
– Det kan skje at dei ikkje greier å møte anboda, og at vi må sjå andre fargar på bussane i vårt område. Skjer det er det ikkje sikkert vi har dei administrative arbeidsplassane vidare.
– Grunn til uro
Administrerande direktør Peter Midthun i Firda Billag seier det skjer store endringar i bussmarknaden i Norge, og at det går mot større einingar. Små selskap blir anten kjøpte opp, eller så taper dei anbod.
– Det blir stadig færre busselskap. Vi arbeider for å posisjonere oss før desse anbodsrundane kjem om eit år eller to. Det er forsåvidt grunn til uro, men det er jo dette politikarane ynskjer og vil. Dette vil føre til press på dei mindre selskapa.
– Betyr det at Firda Billag ser seg om etter samarbeidspartnerar for å bli større?
– Vi vurderer korleis vi skal møte framtida, og då ser vi mellom anna på kva samarbeidsalternativ vi har.