Sauebønder kjenner seg mistrudde

– Problemet var at eg følte at eg ikkje blei trudd. Slikt er ganske surt når ein prøver å vere dønn seriøs, seier Huseklepp oppgitt.

Den tidlegare sauebonden er ikkje åleine om å kjenne seg mistrudd. Fleire sauebønder som NRK.no har vore i kontakt med seier det kan vere vanskeleg å bevise at gaupe har teke drepe sauene deira.

Stridest om behovet for nye reglar

Fylkesleiaren i Høgre, Bjørn Lødemel, meiner dagens erstatningsordning ikkje skaper tillit.

– Nei, det er heilt klart behov for eit nytt erstatningssystem, seier Lødemel.

Fylkesmiljøvernsjef Nils Erling Yndesdal vil på si side ikkje meine noko om regelverket.

– Om regelverket er godt eller ikkje vil eg ikkje kommentere. Det er det regelverket vi har no, og det fungerer slik rovviltskadene er i Sogn og Fjordane i dag, seier Yndesdal.

• LES OGSÅ: Olav gir snart opp å være sauebonde
• LES OGSÅ: Bare to av 100 «rovdyrtap» kan bevises

Rovviltskader er tvilstilfelle

Ingen veit kor mykje gaupe det er i Sogn og Fjordane, og det i seg sjølv kan gjere det vanskeleg å avgjere om det er gaupe eller andre rovdyr som har teke sau.

Regional rovviltansvarleg i Statens naturoppsyn, Rein Arne Golf, forklarer at mange skader er tvilstilfelle.

– Det gjeld særleg tilfelle der kadaveret er utete anten av rovviltet sjølv eller av andre åtseletarar, som fuglar, fortel Golf.

• LES OGSÅ: Forslag til ny rovvilterstatning
• LES OGSÅ: Rovvilterstatning for sau og lam
• LES OGSÅ: Uenighet om rovdyrtap på sau

– Send dyra til slakt!

Huseklepp meiner uansett at oppfølginga frå styresmaktene er altfor dårleg. Det gjorde ikkje saka betre då han miste sine sauer.

– Det mest trasige er at styresmaktene stiller svært lite opp når ein kjem i ein slik situasjon. Eg unner ingen å hamne i det uføret, seier Huseklepp.

Til folk som kjem i same situasjon som han, har Huseklepp berre eitt råd:

– Send sauene til slakt og bli ferdig med det!