Bjørlo er spurd om å sitje i sentralstyret til Venstre, og er trekt fram i diskusjonen om ny nestleiar etter valdtektssikta Helge Solum Larsen.
Men Bjørlo meiner han har nok med ordførarjobben heime i Nordfjord.
– Dei neste fire åra skal eg vere ordførar, og eg vil gjere ein best mogleg jobb i dette vervet for Eid. Eg konsentrerer meg om ordførarjobben, og trippar ikkje etter noko rikspolitisk karriere, seier Bjørlo.
Nytt heitt namn
Som landsstyremedlem, fylkets mest profilerte Venstre-politikar og med bakgrunn som rådgjevar i Bondevik 2-regjeringa, ville Bjørlo vore ein av dei heitaste kandidatane når partiet det neste året skal nominere til Stortingsvalet i 2013.
Samstundes kan eidaren som leiar Unge Venstre segle opp som eit heitt namn når Venstre skal peile seg inn mot Stortingsvalet neste år.
– Min jobbar er å vere leiar i unge Venstre. På same tid driv eg jo politikk for å få innverknad og vere med og påverke, seier Rotevatn.
– Vil vurdere
Sveinung Rotevatn har som Unge Venstre-leiar fått ei høg stjerne i partiet. Og han har fått skryt for måten han den siste veka har handtert valdtektssaka i Rogaland.
Han avviser ikkje å bli stortingskandidat.
– Blir eg spurt om å bli stortingskandidat så vil eg sjølvsagt vurdere det, seier Rotevatn.