Ved 21.15 tida fekk NRK først høyre om ein lastebil som hadde fått problem i oppstiginga på Utvik-sida. Men ein liten time seinare hadde situasjonen forverra seg veldig.
– Det står fire bilar fast på Utvik-sida, og to på Byrkjelo-sida, fortalde ein som var på staden.
Fylkesveg 60 over Utvikfjellet vart i 22-tida stengd, og den vanskelege jobben med å berge bilane begynte. Men den jobben var ikkje noko lett.
Bilbergingsbilane kom seg nemleg ikkje fram fordi bilane stod fast midt i vegbana. Bilbergarane måtte på eit eller anna vis klare å flytte bilane ut i grøfta, slik at dei kom seg forbi.
Like før klokka 23 fortalde mannskap frå Viking Byrkjelo at dei hadde drege dei to bilane som stod i oppstiginga frå Byrkjelo opp på toppen.
– No må dei stå og vente på toppen, medan vi får drege opp dei fire bilane som står på hi sida, sa ein sjåførane til NRK.no.
Ved 23.30-tida er også dei fire vogntoga som stod på Utvik-sida berga opp. Fjellet er no ope att for fri ferdsel, men mannskapet hos Viking ber folk ta omsyn til føret.
Dei ber store bilar om å bruke kjetting.
På fleire av fjellovergangane er det trøbbel onsdag kveld. På Strynefjellet må åtte vogntogsjåførar overnatte i ein tunnel.
- LES OGSÅ:
- LES OGSÅ:
- LES OGSÅ: