Sogn og Fjordane gav nest mest

Med eit gjennomsnitt på 70,21 kroner per innbyggar, toppar Aurland suverent lista over kommunar i Sogn og Fjordane.

Opptekne av frivillig arbeid og omsorg

Noralv Distad tykkjer det er kjekt å vere ordførar i fylkets rausaste kommune.

– Aurland er jo kjent for å ha rause innbyggjarar og det bekrefta dei i denne innsamlinga. Vi er veldig stolte over den gjevargleda som er i Aurland, fortel Distad.

– Kva trur du er årsaka til at aurlendingane er så rause?

– Aurlendingar er vel generelt opptekne av frivillig arbeid og å vise omsorg som det har også har blitt gjort under fleire innsamlingar tidlegare, seier Distad.

Vågsøy på botnen

Innbyggarane i Solund er ein god nummer to. Dei gav i snitt 59,04 kroner. Sist på lista i finn vi Vågsøy, der dei gav 34,33 kroner i snitt per innbyggar.

– Det er klart at det aldri er kjekt å vere den kommunen som gav minst, men eg vil samstundes rose alle dei som har gått rundt og samla inn. Det har vore mykje som har skjedd kring om i kommunen og mange har difor ikkje vore heime og det kan kanskje ha hatt ein innverknad det også, seier ordførar i Vågsøy, Morten Hagen.

Det er ikkje fyrste gong Vågsøy ligg lengst nede på fylkesoversikta. Med 34,33 kroner i snitt per innbyggjar ligg Vågsøy også godt under landsgjennomsnittet som er på 42,43 kroner.

– Til neste år kan det vere vi må mobilisere litt meir i Vågsøy også. Vi ynskjer ikkje å vere der vi ligg no så det må vi prøve å gjere noko med til neste år, seier Hagen.

Nest mest i landet

Årets TV-aksjon vart avvikla søndag. Pengane i år gjekk til Norsk Folkehjelp sitt arbeid med å rydde landminer i seks ulike land verda over.

• SJÅ HEILE TV-AKSJONEN HER

Fylket er førebels nummer to på landsoversynet.

Nesten tidenes beste

Norsk Folkehjelp fekk til saman inn 207 965 915 kroner under innsamlinga i går. Det viste dei førebelse oppteljingane litt over midnatt i natt.

Det gjer årets innsamling til den nest beste gjennom tidene.

Her er oversikta over gjevargleda i Sogn og Fjordane: