– Det var naturleg å følgje presidenten i Norges Røde Kors, Sven Mollekleiv si oppmoding om å vere tilstades og gi mellommenneskeleg støtte, seier nestleiar i Førde Røde Kors Magnhild Helgøy.
Pål A Dahl, som er korpsleiar i Førde, seier nyheitene om det som skjedde på Utøya og i Oslo, der minst 91 er personar til no er omkomne er heilt uverkelege.
– Folk treng ikkje vere direkte berørte av terrorhandlingane for å ta kontakt. Dersom dei føler dei treng nokon å snakke med om til dømes bileta dei har sett tv, er det berre å ta kontakt, seier Dahl.
– Det kan dei gjere anten direkte på Røde Korsbygget eller på telefon.
I Førde som hos fleire lokalforeiningar rundt om i Noreg vert det halde opne Røde Korshus for folk som treng å komme saman eller nokon å snakke med.
Ta kontakt med Førde Røde Kors:
Magnhild Helgøy tlf: 950 78 748
Pål A. Dahl tlf: 907 26 095
Eva Hove Sæterdal tlf: 915 65 503
Også i kyrkjene rundt om i fylket vil det søndag bli markeringar undervegs i gudstenestene.
Prost i Sunnfjord, Rigmor Frøyen, seier at Førde kyrkje vi holde ope i morgon, fram til klokka 14.00.