Bønder fortvilar over Tine

Grisebonde Per Erik Ulvedal i Stryn droppar no å byggje ny fjøs til ti millionar kroner. Det gjer han fordi nedlegginga på Byrkjelo vil koste han 150.000 kroner ekstra i fôrkostnader.

– Dette var den siste dråpen som fekk glaset til å flyte over, og som kvelva heile prosjektet, seier Ulvedal.

• LES OGSÅ: Kulda gir problem for bøndene

– Store konsekvesar for oss

Myse er eit restprodukt etter osteproduksjon og blir brukt som eit rimeleg tilleggsfor, men no har Tine bestemt seg for at det skal fraktast 500 kilometer ekstra frå Gloppen til eit heilt nytt industrianlegg på Jæren i Rogaland.

Auka forutgifter på 150.000 kroner i året kjem rett på botnlina og var kroken på døra for fjøsprosjektet.

Tine trur på god butikk

Myse har vore eit viktig tillegsfôr rundt om på gardane i fleire tiår. Mysa er næringsrikt og gjer at ein slepp anna dyrare fôr.

Fôret flittig brukt særleg av svinebønder og dei som driv med mjølkeproduksjon. Totalt skal 25 millionar liter myse sendast med vogntog til det nye anlegge på Jæren. Meierisjef på Byrkjelo, Thorkild Heieren, meiner det vil vere god butikk.

– Ja, det vil det. Det vil medføre ei styrking av Tine, seier Heierein.

Han meiner det totalt sett ikkje vil verte meir transport på vegane fordi mysa ikkje lenger vil bli frakta rundt til gardar frå meieri rundt om i heile landet.

Varslar kamp

På Breim i Gloppen driv lokallagsleiar i bondelaget, Anders Felde, mjølkesamdrift i bakkane ovanfor meieriet på Byrkjelo. Han er overraska over vedtaket.

Truleg frå sommaren 2012 vil tilleggsforet verte frakta heilt til Jæren i staden for å gå til dyra på garden. Ifølgje avisa Fjordingen vil det bety minst 800 vogntog i året gjennom Vestlandet.

– Det kjem som ei stor overrasking. Det er veldig dårleg at dei no vil flytte allereie om 1,5 år. Det kom veldig brått på, seier Felde.

Felde varslar no kamp mot omlegginga. Han fortel at dei bondelag og Tine-medlemmer skal ta tak i dette allereie til helga.

• LES OGSÅ: Lagar dei beste ostane i Norden

Bondeeigde Tine øydelegg

Bønder i ei hardt pressa næring som alt slit med økonomien er svært oppgitte.

Per Erik Ulvedal måtte onsdag gi beskjed til entreprenøren om at fjøsbygginga ikkje vert noko av. Paradoksalt nok kan det verte bondeeigde Tine som øydelegg for han.

– Eg er desverre redd for at eg kanskje blir den siste generasjonen som driv som bonde på mitt bruk, seier Ulvedal.