Det seier balestrending og muslim Mohammed Wehbe etter at det vart kjent at sokneråden i kommumen ikkje ønskjer å gravleggje muslimar.
- LES OGSÅ:
– Desse i soknerådet kan ikkje ha mykje respekt for andre sitt livssyn og religion, seier Wehbe til Sogn Avis.
Regerer på muslim-uttale
Reaksjonane har ikkje uteblitt etter at avisa tysdag slo saka opp på førstesida. I ein høyringsuttale til ny gravferdslov ber Balestrand sokneråd kulturministeren om å sleppe å begrave muslimar på gravplassen i kommunen. Graver vendt mot mekka er både ei praktisk utvikling og lite i tråd med den kristne arva, meiner soknerådet.
Soknerådet i Balestrand ønskjer seg regionale gravplassar for muslimar.
Etter at NRK Sogn og Fjordane og andre medier plukka opp saka, har den skapt reaksjonar over heile landet.
– Eg er også ein del av samfunnet
Mohammed Wehbe frå Libanon har budd i Balestrand sidan 1993.
– Kan hende flyttar eg heim, kan hende bur eg her i Balestrand resten av livet. Uansett vil vel alle liggje gravlagd nær sine kjære, seier han til Sogn Avis.
Han reagerer på at soknerådet i brevet til kulturministeren peikar viser til kulturarva.
– Eg som muslimsk innbyggjar i Balestrand er og ein del av dette samfunnet, seier balestrendingen.
Vil ha nøytrale gravplassar
Kyrkjeverje Jostein Risa i Balestrand kommune skriv i ein e-post til Sogn Avis at gravplassane sjølvsagt er opne for alle. Risa peiker på at fleire sokneråd er skeptiske til forslaget til ny gravferdslov som føreslår å fjerne kyrkja si vigsling av kyrkjegardane.
Organisasjonssekretær i Human-Etisk Forbund meiner på si side at gravplassane bør bli heilt religionsnøytrale.
– Vi er skeptiske til om kyrkja vil og kan ta vare på minoritetane sine særskilde behov, seier ho til avisa.