- Børge Yndestad fekk gult kort før ferien, og då administrasjonen skulle registrere dette oppdaga dei at han framleis står i Skavøypoll, forklarer Robert Endestad i fotballkrinsen.
Forspranget på tabellen nesten halvert
Han reknar med at det heile skuldast ein glipp i Tornado Måløy. Likevel vankar det ei bot på 10.000 kroner.
Dessutan mister klubben tre poeng. Og det er ikkje kven som helst som vert straffa: Tornado Måløy leia 3. divisjon med sju poeng ned til Årdal då laga tok fotballferie.
No er avstanden nesten halvert.
(Artikkelen held fram under biletet)
Overgangen ikkje formelt i orden
Børge Yndestad spelte for Tornado Måløy også i 2009-sesongen. Då var han på utlån frå Skavøypoll.
Men klubben har ikkje sendt overgangsskjema framfor årets sesong, og dermed er han ikkje klar for spel for nordfjordingane.
- Er straffa i strengaste laget?
- Det er klart ein kan diskutere det, men vi har samanlikna straffa med liknande saker i andre krinsar og meiner den svir sånn passeleg, seier Endestad.
- LES OGSÅ:
Ifølgje Sogn og Fjordane fotballkrets har Tornado Måløy godteke straffa.