- Folk er redde for stillingane sine, eller dei orkar ikkje stå fram, seier Føretakstillitsvald Randi Fagereng i Norges Sykepleierfrobund til Firda.
Vågar ikkje snakke
I ei tid med store kutt, boblar frustrasjonen over hjå dei tilsette i Helse Førde. Men ingen vågar å snakke med media om sin eigen kvardag eller ting dei meiner er graverande. Dette i frykt for at det kan slå tilbake på dei seinare.
- Andre teier for ikkje å stille avdelinga si i dårleg lys og for ikkje å seie noko som kan skake opp pasientane, seier Fagereng til avisa.
- Ynskjer ikkje støy
Fagereng har også åtvara sine medlemer mot å gå til media. I epost ber Fagereng sine medlemar om å tenke seg godt om før dei går til media.
- Dette helseføretaket ynskjer ikkje støy. Tilsette får lov til å stå fram når det skjer noko nytt og positivt, for det er i føretakets interesse, men ikkje når det handlar om omstillingar og problem, seier ho.
- Kan snakke ope
Informasjonssjef Arne Eitun avviser påstandane ovanfor avisa. Han seier at Helse Førde sjølvsagt tillet at dei tilsette snakkar ope om arbeidsplassen sin.
- Eg blir skikkeleg fortvila over at slike oppfatningar rår, seier han og meiner Fagereng er med på å halde oppe mytane om at føretaksleiinga i Helse Førde gir sine tilsette munnkorg.
- Korrekt, men...
Fagereng ber sine medlemar om å gå tenesteveg med graverande ting. Om det ikkje nyttar, bør dei gå til tillitsvald og vernetenesta.
- Det Fagereng skriv til dei tilsette om spelereglane i prosessar som den vi no står oppe i, er korrekt. Men måten ho framstiller det heile på er misvisande. Eg stiller meg spørsmål om dette blir gjort for å dyrke eit stempel på oss, seier han.