Mannen har vedgått å køyrt bil i alkoholpåverka tilstand, og hugsar lite frå hendinga, seier politiadvokat Terje Gjertsen.
Den alkoholpåverka bilføraren kom over i feil køyrefelt vel ein kilometer frå utgangen av Lærdalstunnelen i retning Lærdal. Bilen han køyrde kolliderte så med ein motorsyklist på 23 år.
Den tragiske ulukka fann stad i to-tida laurdag ettermiddag. Livet til den 23 år gamle sogneguten sto ikkje til å berge. Bilføraren i 50-åra blåste raudt på staden, og det er teke blodprøve av bilføraren for å fastslå promillen.
Det var ingen vitne til ulukka, men mannen har tilstått at han var førar av bilen. Saka vert no etterforska som uaktsamt drap.