- Det er ingen tvil om at det var bjørn. Brystfeittet vart avskrapa og jura var etne på begge to, seier Einar Fortun i Statens Naturoppsyn.
Han undersøkte kadavera i Haukedalen måndag ettermiddag. For andre natta på rad var difor fellingslaget for Førde og Gaular ute og prøvde å finne bjørnen dei har fått løyve til å drepe, men også i natt var det nyttelaust.
Drepne natt til søndag
Fortun meiner sauene som sette i gang fellingsforsøket i Haukedalen vart drepne natt til søndag.
- Dei var ikkje gamle så eg tippar det skjedde då.
- Såg du bjørnespor i området?
- Eg såg ingen spor. Det var eit vanskeleg terreng å leite i med tett skog, seier Fortun.