Den hardast skadde vart først sendt til sjukehus i Førde, men så frakta vidare til Haukeland. Den andre karen er sendt til legevakta i Florø for sjekk.
Hard smell
Ulukka skjedde klokka 04.45. Det var to personar ombord i den vel femmeter lange båten. Ein mann i 30-åra og ein i 40-åra.
- Det er ein hurtiggåande båt på 17-18 fot, med ein relativt stor motor. Det har vore ein hard smell. Båten står heilt tørt på skjæret, noko som tyder på høg fart, seier operasjonsleiar Einar Vereide ved operasjonssentralen i Florø.
Mistenkjer promille
Politiet har mistanke om at det kan vere snakk om promillekøyring. Mennene er frå Bremanger og Flora. Dei var på veg frå Florø til Bremanger då grunnstøytinga skjedde.
- Redningsskøyta har frakta dei to til Kalvåg der ambulansebåten ligg. Den eine har fått brotskader, men er med medvit, seier Vereide.