Retten fann han skuldig i å ha valdteke kvinna i mars 2003. Valdtekta vart ikkje meld til politiet før i februar 2004. Då leverte kvinna ei oppseiing som ho grunngav med at det var eit utoleleg sexpress på jobben.
- Hemnaksjon
Då styret for firmaet fekk oppseiinga, tok dei kontakt med kvinna, som fortalde at sjefen hadde prøvd på ny å valdta henne kvelden før ho sa opp jobben. Styret suspenderte sjefen, og saka vart meld til politiet.
I retten hevda den dømde at politimeldinga var ein hemnaksjon frå kvinna, fordi han skulle ha avvist tilnærmingar frå henne og kritisert arbeidet hennar. Dette festa retten ikkje lit til.
Jenta sa i si forklaring at ho på ein fest hadde hamna på eigahand med tiltalte, og at mannen då hadde tvinga til seg samleie.
- Planlagd valdtekt
Retten festa lit til jenta og venninna hennar sine forklaringar, og meiner at mannen sitt truverde har blitt svekka av at han har prøvd å påverke vitne.
Retten har merka seg at det var stor aldersskilnad mellom tiltalte og fornærma, og at han har utnytta si overordna stilling til å gjennomføre brotsverket. Retten meiner at valdtekta truleg var planlagd. Tilslutt peikar dei på at offeret har fått psykiske problem som følgje av det ho vart utsett for.
