Det er dei profesjonelle jegarane i Statens Naturoppsyn (SNO) som har stått for jakta.
- Dei har gjort ein god jobb, rosar Mjelstad.
Tidlegare i vinter var det lyst ut lisensjakt på seks jervar, men då vart ingen skotne. Mjelstad trur det at ein lukkast denne gongen har med tidspunkt å gjera.
- Lisensjakta går jo om seinhausten og vinteren, og då er det gjerne vanskeleg å finna fram i fjella her. SNO kan jo i tillegg jakta i mars, april og mai - og dei har fleire hjelpemiddel tilgjengeleg, som snøskutar og helikopter.
- Seks jervar på ein månad - er det rekord?
- Det er eg usikker på, men det er i alle høve ikkje langt unna, seier Mjelstad.