Dermed er det ikkje mogleg å finne ut om dette er den same bjørnen som har hatt tilhald i Skjåk dei siste åra.
Vanskeleg oppgåve
Det er sjølvsagt synd i eit slikt tilfelle der det er viktig å vite om dette er den same bjørnen eller om det er to ulike, seier leiar for Bioforsk Svanevik, Hans Geir Eiken.
- Så det vert vanskeleg å finne ut om det er den same bjørnen som har hi i Skjåk?
- Ja, det vert vanskeleg.
Fann pelsdottar
Funna av pelsdottar og avføring frå bjørnen som vandra i sognefjella i sommar skulle gje mange og viktige svar for forskarane ved Bioforsk i Svanevik. Men ein førebels rapport viser at DNA-spora mest truleg er ubruklege. Årsaka er vanskeleg å forklare, men har samanheng med at fettmengda i bjørnen var for stor då funna vart gjort i Fjærland.
Kan lage DNA-profil
Eiken er likevel optimist. For prøvene som er analyserte etter hi-funna i Skjåk er nok til å lage ein DNA-profil av den bjørnen. Og viss det same dyret tek seg inn i Sogn og Fjordane til sommaren er det ein lett jobb å identifisere det, seier han..
- Når vi har DNA-profilen av den, så er det mogeleg å sjå korleis den har vandrar i 2007.
- For då kan de ta prøver etterkvart?
- Ja. I så fall kan forskarane også gje svar på prøvene i løpet av eit par dagar.
Kjenner kjønnet
DNA-profilen av bjørnen i Skjåk gjer at forskarane i Finnmark no veit kva kjønn det er snakk om. Men dette vil han ikkje avsløre før den endelege rapporten er klar 1. april.