Det var mot slutten av 2011 at mannen i 20-åra kjøpte 70 Rivotril-tablettar i Bergen. I starten av desember blei han stoppa i Nordfjord då han var ute og køyrde tidleg ein morgon.
Ein blodprøve viste ein ruspåverknad tilsvarande over 1,5 i promille. Mannen tilstod då han møtte i retten.
Nordfjordingen er også tidlegare dømd for køyring i påverka tilstand og bruk av narkotika. Han er også bøtlagd for lekamskrenking og narkobruk
Fjordane tingrett har no dømd mannen til 18 dagar i fengsel. Han må også betale ei bot på 5000 kroner og er frådømd førarretten for alltid.